पोखरा : गण्डकी प्रदेशमा थप ६७ जनामा कोरोना संक्रमण पुष्टि भएको छ ।
स्वास्थ्य निर्देशनालय गण्डकीले जारी गरेको विज्ञप्तिमा कास्कीका २० जना छन् । जसमध्ये २ जना महिला अमरसिंहचोकको पार्कल्याण्ड अस्पतालमा कार्यरत कर्मचारी हुन् । संक्रमित मध्ये लमजुङ २ जना, बागलुङका ३ जना, स्याङ्जाका २२ जना, तनहुँका ७ जना र नवलपुरका १३ जना रहेका छन् ।
कास्कीका सबै संक्रमित पोखरा महानगरपालिकाका हुन् । लमजुङका संक्रमित बेशीसहरका हुन् । बागलुङका काठेखोला, स्याङ्जाका पुतलीबजार, तनहुँका बन्दीपुर, भानु, व्यास र शुक्लागण्डकी रहेका छन् । त्यस्तै नवलपरासीका मध्यविन्दु, कावासोती र बुलिंगटारका रहेको निर्देशनालयले विज्ञप्ति मार्फत जनाएको छ ।
लमजुङका दुई जना संक्रमित रिलायन्स अस्पतालका कार्यरत छन् ।
संक्रमित सबैलाई आइसोलेसनमा लैजाने तयारी भैरहेको निर्देशनालयले जनाएको छ । प्रदेशमा कोरोना संक्रमितको संख्या २ हजार ५ सय १४ पुगेको छ ।
