राजेन्द्र महतो, लहान
सिरहाको चोहर्वा सिरहा सडक खण्डमा शुक्रबार साँझ मोटरसाइकल दुर्घटनामा दुई जनाको मृत्यु भएको छ । सोही दुर्घटनामा एक जना गम्भिर धाइते भएका छ्न् ।
सिरहाको नरहा गाउँपालिका ५ बलुबा टोल नजिकै चोहर्वाबाट सिरहातर्फ जाने क्रममा बिग्रिएर रोकिराखेको ज १ त ४३२९ नं. को ट्र्याक्टरमा अनटेष्ट मोटरसाइकल ठोक्किदा मोटरसाइकलमा सवार दुई जनाको मृत्यु भएको प्रहरीले जनाको छ ।
मृत्यु हुनेमा मोटरसाइकल चालक सिरहा नगरपालिका ५ निवासी १९ वर्षीय अमलेश महतो र सोही ठाउँका २१ वर्षीय सुनिल सदा रहेको प्रहरीले जनाएको छ । दुर्घटनामा गम्भीर घाइते भएका दुवै जनाको उपचारका लागि लहान स्थित रामकुमार उमाप्रसाद स्मारक अस्पतालमा लगिएको थियो । उपचारका क्रममा दुबैको मृत्यु भएको जिल्ला प्रहरी कार्यालय सिरहाले जनाएको छ ।
दुर्घटनामा परी १९ वर्षीय मिथिलेश सदा गम्भीर घाइते भएका छन् । उनलाई उपचारका लागि विराटनगर पठाइएको प्रहरीले जनाएको छ । सडक छेउमा ईटा लोड गरी बिग्रीएर रोकि राखिएको ट्रयाक्टरमा तीव ग्रतिमा चलाएको मोटरसाईकलले ठक्कर दिएपछि दुर्घटना भएको स्थानीयले बताएका छ्न् ।