राजेन्द्र महतो, लहान
सिरहामा एक महिला माथि सामुहिक बलात्कार भएको छ । गोलबजार नगरपालिकामा गत भदौ १३ गते २१ वर्षीया युवतीलाई सामुहिक बलात्कार भएको प्रहरीले जनाएको छ।
सामूहिक बलात्कारमा संलग्न रहेको आरोपमा गोलबजार नगरपालिका १० का २१ वर्षीय दीपेन्द्र मुखिया र सोही ठाउँका २० वर्षीय दिनेश यादव सहित २ जनालाई प्रहरीले पक्राउ गरेको छ । मुखियाँ लगायत ५ जनाले ती महिलालाई जबरजस्ती करणी गरेको उजुरी पछि प्रहरीले घटनामा संलग्न मध्ये २ जनालाई पक्राउ गरेको हो । घटनामा संलग्न फरार अन्य ३ जनाको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको जनाएको छ ।
