पोखरा : नेपाल आइडलको तेस्रो सिजनसम्म आइपुग्दाको ग्राण्ड फिनाले अघिल्ला सिजन भन्दा फरक बन्यो ।
ग्राण्ड फिनालेको घोषणमा सुखद र दुखद दुवै समाचार सुन्न पर्यो । सुखद् यो थियो कि पहिलो पटक महिलाले उपाधी आफ्नो पोल्टामा पार्दै थिइन् भने दुखद यो थियो की नेपालमा देखिएको कोरोना संक्रमणबाट नेपाल आइडल टिम पनि अछुतो रहन सकेन ।
कार्यक्रमका दौरान नेपाल आईडलका एक सदस्यलाई कोरोना पोजिटिभ देखिएपछि निर्णायकसहित सबै आईसोलेशनमा बसेका छन् ।
नेपाल आइडल आयोजक टिमले सबै जना सेल्फ आइसोलेसनमा रहेको जानकारी दिएको छ ।
जसकारण फाइनलमाको उपाधी घोषणा कार्यक्रममा उनीहरु उपस्थित हुन सकेनन् । कार्यक्रम पहिले नै रर्कड गरिएको थियो ।
नेपाल आइडल सिजन ३ विजेता अन्नपूर्ण मिडिया हाउसका प्रमुख क्या.रामेश्वर थापाले गरे ।
‘नेपाल आईडल’को तेश्रो संस्करण विजेता सज्जा चौलागाइ बनेकी छन् ।
