मोरङ प्रहरीको अर्को सफलताः मस्ट वान्टेडको सूचीमा रहेका हतियार कारोबारीका नाईके बग्गा पक्राउ

मोरङ प्रहरीको अर्को सफलताः मस्ट वान्टेडको सूचीमा रहेका हतियार कारोबारीका नाईके बग्गा पक्राउ

कुमार खड्का
भदौ ८, पथरी ।
भारतमा वसेर नेपालको प्रदेश नम्वर १ र २ का विभिन्न जिल्लाहरुमा हातहतियार तथा लागूऔषध कारोबारी गर्ने गिरोहका नाइकेलाई मोरङ प्रहरीले पक्राउ गरेको छ ।
लामो समय देखी सुनसरी र मोरङका बिभिन्न नाकाहरुको प्रयोग गरेर हतियार तथा लागूऔषध कारोबारी गर्दै आएका मोरङ प्रहरीको मसट वान्टेड सूचिमा रहेका वग्गा भनिने भारतीय नागरिक प्रदीप यादवलाई मोरङ प्रहरीले पक्राउ गरेको हो ।
भारत बिहार राज्य अररियाको ईन्द्रनगर ग्राम पञ्चायत-१० बस्ने ३९ वर्षिय बग्गा भनिने प्रदीप यादव लामो समय देखी प्रहरीको मस्ट वान्टेड सूचीमा रहेका थिए ।
उनलाई प्रहरीले गत शनिबार दिउँसो साढे ४ बजे विराटनगर-१६ दरैयाबाट नियन्त्रणमा लिएको मोरङ प्रहरीका एसपी सन्तोष खड्काले बताए । प्रहरीले वग्गाको साथबाट लागूऔषध डाइलेक्स डिसी १५ बोतल, नाइट्रोसन ५० चक्की र नाइट्राभेट ५१ चक्की बरामद गरेको जिल्ला प्रहरी कार्यालय मोरङले जनाएको छ ।


बग्गासँग उनको एक समूह नै सुनसरी र मोरङ क्षेत्रमा हतियार र लागुऔषधको कारोवारमा सक्रिय प्रहरीको भनाई छ । उनीहरुले सुनसरीको पूर्वि नाका र मोरङको पश्चिमी नाकाबाट आफ्नो कारोवार सञ्चालन गर्दै आएको बताईएको छ ।
बग्गासँग जोडिएको दुई वटा हातहतियार तथा लागूऔषध मुद्धा मोरङमा अझै पनि विचाराधीन छ ।
प्रहरीले पूर्वी तराईमा हुने अधिकांश लागूऔषध र हतियार कारोबार बग्गाको हात रहेको जनाएको छ । बग्गा पक्राउ परेपछि पूर्व क्षेत्रमा लागूऔषध र हातहतियारको कारोबार आधा घट्ने प्रहरीले विश्वास लिएको एसपी खड्काले बताए ।
शनिबार मध्यान्न नेपाल प्रवेश गरेका यादवसँग प्रहरीको विराटनगर-१६ दरैयामा जम्काभेट भएको थियो । प्रहरीलाई देख्नेबित्तिकै भाग्न खोजेका उनलाई नियन्त्रणमा लिन प्रहरीले निकै मेहनत गर्नु परेको एसपी खड्काको भानाई छ ।
पक्राउ गर्ने क्रममा एकजना प्रहरी हवल्दार सामान्य घाइते भएको र घम्साघम्सी हुँदा बग्गाको शरीरमा सामान्य चोट लागेको मोरङ प्रहरीका प्रवक्ता मानबहादुर राईले बताए ।
यस अघि मोरङ प्रहरीले वग्गासग सम्मीलीत भएर भरियाको रुपमा नेपालमा कारोवार गर्ने विराटनगरमा ५ , उदयपुरमा १, इटहरीमा १ र धरानका १ गरि ८ जना भरियाहरुलाई नियन्त्रणमा लिई उनीहरुबाट प्रहरीले बग्गाको कारोवारको ठोस प्रमाण जुटाएर पक्राउ गरेको जनाएको छ ।
यस अघि बग्गाले २०७५ मंसिर ३ र ८ गते हतियारसहित पठाएका भरिया विराटनगरबाट पक्राउ परेका थिए । त्यस्तै ३ मंसिरमा विराटनगर- १६ बाट उदयपुरको उदयपुरगढी गाउँपालिका- १९ का मन्दिप तामाङ, सुनसरीको इटहरी उपमहानगरपालिका- १२ का ३५ वर्षका सुशीलकुमार साहु पेस्तोल र चार राउण्ड गोलीसहित पक्राउ परेका थिए ।


८ मंसिरमा विराटनगर बसपार्कबाट दुई जना भरिया र पेस्तोल बुझ्न काठमाडौंबाट आएका अर्का भरिया पक्राउ परेका थिए । उनीहरुबाट प्रहरीले बग्गाको कारोवारको ठोस प्रमाण जुटाएर वग्गाको खोजी गरिरहेको थियोे ।
उनले पेस्तोल र लागूऔषध विराटनगर – १६ का २२ वर्षका विद्यानन्द मण्डल र २० वर्षका अनुप गिरीको पेटमा टेपले बाँधेर १०५ ग्राम ११० मिलिग्राम ब्राउन सुगर, ३८० एम्पुल लागूऔषध, कटुवा पेस्तोल र पेस्तोलमा लाग्ने दुई राउण्ड गोली पठाएको पनि प्रहरीले बताएको छ ।
विराटनगर वसपार्कबाट हतियार लिन आएका सुनसरी धरान घर भई ललितपुर-एकान्तकुनामा बस्दै आएका ४१ वर्षका रुपम राईसहित दुईजना भरिया पक्राउ परेका थिए ।

सम्बन्धित खवर