पोखरा : पोखरामा उपचाररत एक महिलाको कोरोनाका कारण मृत्यु भएको छ ।
पोखराको कास्की सेवा हस्पिटलमा उपचाररत तनहुँ की ५० वर्षीया महिलाको कोरोनाका कारण मृत्यु भएको पुष्टि भएको हो ।
सुगर प्रेसरको समस्याले ग्रसित रहेकी उनि साउन ३२ गते हस्पिटलमा भर्ना भएकोमा उपचार कै क्रममा गए राति मृत्यु भएको अस्पताल स्रोतले जनाएको छ ।
परिवारका सदस्यले उनलाई थप उपचारका लागि काठमाण्डौ लैजाने भनेपछि हस्पिटलले कोरोना परीक्षण गर्न सुझाएको थियो । हस्पिटलका अनुसार उनको आइतवार स्वाब संकलन गरी परीक्षणका लागी पठाइएकोमा आज बिहान आएको नतिजामा कोरोना पोजेटिभ देखिएको हो ।
मृतक महिलामा कोरोना पुष्टि भएपछि उनको उपचारमा संग्लग्न चिकित्सक तथा स्वास्थ्यकर्मीलाई होम क्वारेन्टिनमा बस्न भनिएको र कन्ट्याक्ट ट्रेसिंङको कार्य शुरु भएको हस्पिटलले जनाएको छ ।
