पोखरा : युवा बौद्ध संघले रजत जयन्तिको पावन अवसरमा आयोजना गरेको खुल्ला रक्तदान कार्यक्रम सम्पन्न भएको छ।
महेन्द्रपुलमा आयोजना भएको उक्त रक्तदान कार्यक्रमलाई नेपाल रेडक्रस सोसाइटी कास्की, रक्तसञ्चार केन्द्रले संयुक्त रूपमा सहयोग गरेको थियो।
इच्छाशक्ति अटोमोवाइल प्रा.लि.को मुख्य प्रयोजन रहेको रक्तदान कार्यक्रमबाट ४६ युनिट रगत संकलन भएको छ । अहिलेको यस्तो विषम परिस्थितिमा रगतको महत्त्वलाई बुझी इच्छामान बुद्धाचार्यले कार्यक्रममा थप रु ५० हजार रुपैयाँ युवा बौद्ध संघलाई हस्तान्तरण गरेका थिए।
कार्यक्रम प्रमुख अतिथि संघका संस्थापक अध्यक्ष श्री उत्तममान बुद्धाचार्यद्धारा बुद्ध मुर्तिको अगाडी घेरुवामा दिप प्रज्ज्वलन र बलड ब्याग रक्तदातालाई हस्तान्तरण गरी कार्यक्रमको शुरुवात भएको थियो। नेपाल रेडक्रस सोसाइटी कास्की, रक्तसंचार केन्द्रका प्रतिनिधि श्री महेन्द्र के.सी. ज्यूले रक्तदानको महत्व र अहिले कोभिड–१९ को महामारीको अवस्थामा रगतको अभावको बारेमा प्रकाश पारेका थिए।
रक्तदान कार्यक्रमका प्रमुख अतिथि यस संघका संस्थापक अध्यक्ष श्री उत्तममान बुद्धाचार्यले गरेका थिए भने सभापतित्व संघका अध्यक्ष श्री सुदिप प्रधानाङ्गले गरेका थिए । यस कार्यक्रमका संयोजक संघका उपाध्यक्ष डा. विनिता बज्राचार्य थिइन भने सह–संयोजक संघका कार्यकालिन सदस्य श्री आनन्द बज्राचार्य र संघका सदस्य श्री सुमेधमान बुद्धाचार्य रहेका थिए।
कार्यक्रम स्थललाई (संघका सदस्यहरुले) सरसफाई गरी रक्तदान कार्यक्रमको अन्त्य भएको थियो।
