तनहुँ : तनहुँको शुक्लागण्डकीमा चितुवाको आक्रमणबाट डेढ वर्षीय बालकको मृत्यु भएको छ ।
शुक्लागण्डकी नगरपालिका–२ मसारमा चितुवाले आक्रमण गर्दा स्थानिय विष्णुकुमार रानाका छोरा रोहन रानाको मृत्यु भएको हो ।
बुधबार साँझ घरको पिढीमा बसिरहेको बेला चितुवाको आक्रमणमा परेर बालकको मृत्यु भएको प्रहरीले जनाएको छ ।स्थानीयले खोजी गर्दा घरबाट केही पर जिपे बाझोगरा भन्ने स्थानमा बालकको दाहिने हात र टाउको मात्रै फेला परेको बताइएको छ ।
गत साउन १७ गते मात्रै जिल्लाको आबुखैरेनी–१ समस्तिपुरमा चितुवाको आक्रमणबाट १० वर्षीया अमिषा थापा घाइते भएकी थिइन् ।
विसं २०७४ फागुन यता चितुवाको आक्रमणबाट १० बालबालिकाले ज्यान गुमाएका छन् ।
