अर्जुन काफ्ले, पथरी
१५ वर्षीया बालिका बलात्कार गरेको आरोपमा बिहिबार राती एक बृद्धलाइ मोरङको केराबारी बाट प्रहरीले नियन्त्रणमा लिएको छ । केराबारी–५ का ६३ वर्षीय रामकुमार लिम्बूलाई बालिका बलात्कार गरेको आरोपमा प्रहरीले पक्राउ गरेको हो ।
अपाङ बालिकालाइ १० रुपयाँ पैसा दिने प्रलोभन देखाएर लिम्बुले बलत्कार गरेको प्रहरीले बताएको छ । स्थानियबासिले दिएको जानकारीका आधारमा लिम्बुलार्इ प्रहरीले नियन्त्रणमा लिएको हो ।
लिम्बूले बिहीबार दिउँसो ४ बजेतिर बालिकामाथि जबरजस्ती गरेको प्रारम्भिक अनुसन्धानबाट पत्ता लागेको प्रहरीले जनाएको छ । ललाईफकाई खेतमा लगेपछि १० रुपैयाँ पैसा दिएर बालिकामाथि बलात्कार गरेको इलाका प्रहरी कार्यालय बेलबारीले जानकारी दिएको छ ।
प्रहरीका अनुसार बालिकाको शरीरको एउटा पाटो चल्दैन भने बालिका राम्ररी बोल्न समेत सक्दिनन् । बालिकाका अभिभावकले बलात्कारमा संलग्न लिम्बूलाई कानुनी कारबाहीको माग गर्दै शुक्रबार इलाका प्रहरी कार्यालय बेलबारीमा किटानी जाहेरी दिएका छन् । उनीविरुद्ध जबरजस्ती करणी मुद्दामा मोरङ जिल्ला अदालतले ५ दिनको म्याद थप गरेर अनुसन्धान गरिरहेको प्रहरीले जनाएको छ ।
