किरण न्यौपाने, रंगेली
नेपाली काग्रेस रंगेली नगरकार्य समितिले जननिर्वाचित वडा सदस्यलाई कार्वाहीका लागि सिफारीश गरेको छ । मोरङको रंगेली नगरपालिका वडा नं. ३ बाट जननिर्वाचित वडा सदस्य मुन्सी टुडुले पार्टिको ह्वीप र अनुसाशन विपरित कार्य गरेको भन्दै नगरकार्य समितिले नेपाली कांग्रेस जिल्ला कार्य समितिलाई कार्वार्हीका लागि सिफारिस गरेको हो ।
टुडु नेपाली कांग्रेसका तर्फबाट स्थानीय तहमा उम्मेदवार भई वडा सदस्य पदमा निर्वाचित सदस्य हुन् । टुडुले असार २९ गते सम्पन्न रंगेली नगरपालिकाको नगरसभामा पार्टिको निर्णय अनुसार एक ढिक्का भई प्रस्तुत हुनुपर्नेमा पार्टिको हितविपरित कार्य गरेको नगरसमितिले निश्कर्ष निकालेको हो । नगरसभामा सहभागी भई हस्ताक्षर गरी पार्टिको हितविपरित कार्य गरेको भन्दै नगर कार्य समितिको साउन ३ गते बसेको बैठकले कार्वाहीको निर्णय गरेको छ ।
बैठकले पार्टिको साधारण सदस्य र वडा सदस्य समेत नरहने गरी कार्वाहीका लागि सिफारिस गरेको छ । नेपाली कांग्रेस रंगेली नगर सभापति जगरनाथ मण्डलले पार्टिमा अनुसाशनको कमि देखिन्दै गएकाले कार्वाही थालिएको बताए ।
