राजेन्द्र महतो,लहान
सिरहाको सिरहा नगरपालिका –१४ खिरौनास्थित सशस्त्र प्रहरीका एक जवान कुलो को डिल मा मृत फेला परेका छन् ।
सिरहा भन्सार कार्यालय माडरसँगै रहेको बोर्डर आउट पोस्टमा कार्यरत महोत्तरीको सोनमा गाउँपालिका–३ का सशस्त्र प्रहरी जवान मनोहर कु.यादव कुलोको डिलमा मृत अवस्थामा फेला परेका हुन् ।
मृतक यादव सोमबारदेखि नै बोर्डर आउट पोष्टको सम्पर्कभन्दा बाहिर रहेकाथिए।मृतक यादवको शव आज करिब दिउँसो १ बजे फेला परेको जिल्ला प्रहरी कार्यालय सिरहाका डिएसपी विनोद घिमिरेले बताएका छन।
मृतकको शवको प्रकृति हेर्दा हत्या भएको देखिएको छ।
जिल्ला प्रहरी कार्यालय सिरहा र सशस्त्र प्रहरी नेपाल ७ नंं गण हेडक्वार्टर सिरहाको संयुक्त टोली अनुसन्धानकालागी खटिएको डिएसपी घिमिरे ले बताएका छन।