विवेक शर्मा, रौतहट
रौतहटको लालबकैया नदिमा पौडि खेल्न गएका एक युवक नदिले बगाउदा बेपता भएका छन् । रौतहट जिल्लाको पश्चिमी दक्षिणि भेगमा रहेको राजपुर नगरपालिकाको वार्ड नं. ८ का शेख कलिमको २५ वर्षिय छोरा शेख फिरोज बेपत्ता भएका हुन् ।
आइतबार दिउसो ३ बजे नदीमा पौडि खेल्ने क्रममा नदिको भेलमा बेपता भएको प्रहरीले जनाएको छ । बेपता भएका युवकसगँ पौडि खेल्न गएका अर्का एक युवकलाई प्रहरीले जिवितै उद्धार गरेको छ । उद्धार गरिएका युवक सोही ठाउँको ३० वर्षिय हजारी मिया रहेको प्रहरी जानकारी गराएको छ । हजारी मियालाई गाउँले र प्रहरीले वेपता भएको ठाउँबाट करिव ३ सय मिटर पर उद्धार गरिएको ईलाका प्रहरी कार्यालय राजपुरका प्रमुख सई दिपक गुप्ताले जानकारी दिए । सई गुप्ताको नेतृत्वमा टोली उद्धारमा खटेको थियो ।
बेपत्ता फिरोजको खोजी भइरहेको गुुप्ताले बताएका छन् । गएराती १२ बजेदेखि लगातार परिरहेको बर्षासँगै आज बिहानैदेखि लालबकैया नदीमा बाढी आएको छ । त्यसैगरी जिल्लाको पूर्वी भेगस्थित बाग्मती नदी, चाँदी खोला लगायत खोलामा पनि बहावको स्तर उच्च भएको छ ।
लगातार बर्षाका कारण सदरमुकाम गौरस्थित मुख्य बाटोमा २ फिट सम्म पानी जमेकाले कतिपय कार्यालय प्रभावित भएका छन् । बाढिका कारण आवत जावतमा समेत कठिनाई भएको छ ।
यसैबीच रौतहटका सिडिओ वाशुदेव घिमिरेले मौसमविदहरुको भनाई उदृत गर्दै एक सूचना प्रकाशित गरी अगामी ३ दिनसम्म नदी (खोला)मा पानीको स्तर बढेर बाढी आउने भएकाले सजग रहन जिल्लावासीलाई आग्रह गरेका छन् ।