काठमाडौं : प्रमुख प्रतिपक्षी दल नेपाली कांग्रेसको विद्यार्थी संगठन नेपाल विद्यार्थी संघले सोमबार काठमाडौंमा सरकारविरुद्ध प्रदर्शन गरेको छ । कोरोना महामारी नियन्त्रणमा प्रभावकारी काम नगरेको, संकटका बेलामा पनि आर्थिक अनियमितता भएको, क्वारेन्टिनहरु मापदण्ड अनुसार व्यवस्थित नभएको लगायतका विषयलाई लिएर प्रदर्शन गरेको नेविसंघका अध्यक्ष राजीव ढुंगानाले जानकारी दिए । र्यालीका सहभागीले कोरोना महामारी नियन्त्रणका लागि खर्च भएको भनिएको हिसाब, विदेशमा अप्ठेरामा परेकाहरुको उद्धार गर्नुपर्ने, मजदुरलाई राहत दिनुपर्ने, पीसीआर परीक्षणको दायरा बढाउनुपर्ने माग गरेका थिए । कोरोना महामारी नियन्त्रणमा लाग्नुपर्ने सरकार नागरिकको स्वास्थ्यप्रति गम्भीर नभएको र आर्थिक अनियमिततामा नै केन्द्रित भएकाले खबरदारी गरेको नेविसंघका महामन्त्री दीपक भट्टराईले बताए । र्यालीपछि कोणसभालाई सम्बोधन गर्दै नेताहरुले सरकारले बजेटमा ल्याएको सामुदायिक विद्यालयको गुणस्तर सुधार गर्ने जिम्मा निजीलाई दिने व्यवस्था खारेज गर्न र रुकुम घटनाका दोषीलाई कारबाही गर्न माग गरेका थिए । काठमाडौंको विजुलीबजार बाट ¥याली सहित नयाँ वानेश्वर पुगेको नेविसंघको टोलीले त्यहाँ कोणसभा गरेको थियो Share this:TwitterFacebookLike this:Like Loading...