राजेन्द्र महतो, लहान
रगतको अभाव वढेपछि सिरहाको लहान नगरपालिका २४ गोबिन्दपुरमा एक दिने रक्तदान कार्यक्रम सम्पन्न भएको छ।
सो कार्यक्रमा ४० प्रिन्ट रगत संकलन भएको छ ।
जनता सामाजबादी पार्टी लहान नगर समिति तथा वडा समिति २४ र रक्त सञ्चार सेवा केन्द्र लहानको संयुक्त आयोजनामा रक्तदान कार्यक्रम भएको हो।
सो रक्तदान कार्यक्रममा जनता समाजबादी पार्टीका युवा नेता मनोज कुमार यादब, बलिराम यादब, संजय यादब, लगनलाल पासवान, संजय कुमार साह, राम चलितर दास, नागेश्वर यादब, संतोष शर्मा लगायत ४० जना जनता सामाजबादी पार्टीका प्रतिनिधि, समाजसेबी तथा बिधार्थीहरुले रक्तदान गरेको जसपाका युवा नेता राम चलितर महतोले बताएका छ्न्।
जसपा सिरहा क्षेत्र न. १ (क) का अध्यक्ष शितल कुमार साहको अध्यक्षतामा समपन्न सो रक्तदान कार्यक्रममा नेपाल पत्रकार महासंघ सिरहाका सभापति दिनेश्वर प्रसाद गुप्ता, पार्टीका नेता भरत साह, स्थानीय सुरक्षा निकाय लगायतका सहभागिता रहेको थियो ।
कार्यक्रममा पत्रकार महासंघ सिरहाका सभापती दिनेश्वर प्रसाद गुप्ताले यस्तो विषम परिस्थितिमा पनि जनता समाजबादी पार्टीले आकस्मिक रक्तदान कार्यक्रम गरेर निकै प्रशंसनीय काम गरेको बताए ।
