काठमाडौँ : नेपाल कम्युनिस्ट पार्टी (नेकपा)का कार्यकारी अध्यक्ष पुष्पकमल दाहाल ‘प्रचण्ड’ ले चितवनका वामपन्थी नेता कृष्ण प्रजापतिको निधनप्रति समवेदना प्रकट गर्नुभएको छ ।
अध्यक्ष दाहालले आज एक शोक सन्देश दिँदै पार्टीका एक निष्ठावान् र अथक योद्धा कमरेड कृष्ण प्रजापतिको निधनको खबरले आफूलाई निकै दुःखित बनाएको बताउनुभएको छ ।
अध्यक्ष दाहालले भन्नुभएको छ, “पञ्चायती तानाशाहीविरुद्ध सङ्घर्षका कठिन दिनदेखि जनयुद्धसम्म र शान्ति प्रक्रियादेखि आजसम्म अनवरत पार्टी र क्रान्तिप्रति समर्पित प्रजापतिप्रति हार्दिक श्रद्धाञ्जलि व्यक्त गर्दछु ।” अध्यक्ष दाहालले प्रजापतिको शोकाकुल परिवारजनप्रति गहिरो समवेदना प्रकट गर्नुभएको छ ।
