दाङ – छिमेकी जिल्ला बाँके र कपिलवस्तुमा कोराना भाइरसको सङ्क्रमण बढेपछि दाङमा उच्च सतर्कता अनपाइएको छ ।
६ हजारभन्दा बढी नेपाली दाङ आउनसक्ने आकलनसहित बैठकले उनीहरु सबैको कोरोना परीक्षण र क्वरेन्टीनमा अनिवार्य रुपमा बसाल्ने गरी स्थानीय पालिकाहरुलाई जिम्मेवारी दिने निर्णय समेत भएको छ ।
छलफलमा पालिका प्रमुख तथा प्रतिनिधिहरुले भारतमा काम गर्ने नेपालीहरु सीमा क्षेत्रमा आउन थालेपछि घर ल्याउन दबाब बढेको बताएका छन् । सीमा क्षेत्रमा आइपुगेका नेपालीलाई घरसम्म ल्याउन अनिवार्य कोरोना परीक्षण गर्न र तिनीहरुको व्यवस्थापनको लागि केन्द्र र प्रदेश सरकारले तत्काल योजना बनाउनुपर्नेमा ध्यानाकर्षण गराएका छन् ।
बबई गाउँपालिकाका अध्यक्ष भुवनेश्वर पौडेलले भन्नुभयो, ‘भारतको रुपैडिहा नजिक बाबागञ्जमा बबई गाउँपालिका नागरिक १७ जना नागरिक बसेको खबर आएको छ । हरेक दिन नागरिकहरुले फोन मार्फत जानकारी दिइरहनु भएको छ । उहाँहरुलाइ कसरी घर सम्म ल्याउने?’
दाङको सीमा नाका प्रयोग गरेर ६ हजार मानिस भित्रने आकलन गरिएको र ती मानिसहरु आएमा उनीहरुको व्यवस्थापन गर्न क्वरेन्टीन बनाउन तयारी गरिएको प्रमुख जिल्ला अधिकारी गोविन्द रिजालले बताउनुभयो ।
‘गढवा, राजपुर, लमही र राप्ती गाउँपालिकामा क्वरेन्टीन बनाउने तर्फ ध्यान दिएका छौं’, उहाले भन्नुभयोे, ‘क्वारेन्टाइनमा राखेर कोरोना परिक्षण गरेर मात्रै सम्बन्धित ठाउँमा पठाउन सकिन्छ ।’
छलफलमा प्रदेश ५ का मुख्यमन्त्री शंकर पोख्रेलले दक्षिण भारत र दिल्लीबाट नेपाल आउने हरेक व्यक्तिको कोरोना परिक्षण गरिने बताउनुभयो । भारतको क्वरेन्टीनमा बसेकाहरुलाइ स्वास्थ्य परिक्षण नगरी नेपाल फर्काउन थालेपछि कोरोना सङ्क्रमण हुने खतरा रहेको भन्दै उहाले सीमा क्षेत्रमा आउने सबैलाई क्वरेन्टीनमा राखिने र कोरोना परिक्षण गरेर मात्रै घर सम्म पु¥याउन सकिने बताउनुभयो ।
मुख्यमन्त्री पोख्रेलले भारतले डब्लूएचओको मान्यता पालना नगरेकाले सीमा क्षेत्रमा थप झमेला उत्पन्न भएको बताउनुभयो ।
