लहान, सिरहामा फोटो खिच्ने एक पत्रकारलाई नेपाली सेनाको टोलीले दुर्ववहार सहित कुटपिट गरेका छन्। फोटो खिचैकै निहुमा सेनाले लाठी बर्साएको पिढितले बताएका छन् ।
सिरहामा पत्रकार बद्री नारायण यादवले लकडाउन पालना गराउन खटिएका नेपाली सेनाको टोलीको फोटो खिच्न लाग्दा उनलाई सेनाले कुटपिट गरेको हो । आफू पत्रकार भएको र लकडाउन पालना गराउन सेना खटिरहेको दर्शाउन फोटो खिच्दा सेनाले दुव्र्यबहार र कुटपिट गरेको पत्रकार यादवले बताए । यादव नवजागृती साप्ताहिकमा कार्यरत छन् ।
घटना बारे नेपाल पत्रकार महासंघका केन्द्रीय सदस्य देवकुमार यादवले अग्रमोर्चामा खटिने पत्रकारमाथि दुर्ववहार र कुटपिट हुनु निन्दनिय भएको बताउदै सञ्चारकर्मीप्रति सुरक्षा निकाय संवेदनशील बन्नुपर्ने बताएका छ्न् ।
