नेपालमा आज एकैदिन ७४ जनामा कोरोना संक्रमण पुष्टि भएको छ । यो संगै संक्रमितको संख्या २०८ पुगेको छ ।
आज भर्खरै थप १७ जनामा कोरोना संक्रमणको पुष्टि भएको छ । राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा मंगलबार थप १७ मा कोरोना पुष्टि भएको स्वास्थ्य मन्त्रालयका एक अधिकारीले बताए। यो संगै २०८ जनामा कोरोना संक्रमण पुष्टि भएको छ। पछिल्लो पटक थपिएका १७ जना कुन कुन जिल्लाका हुन् भन्ने जानकारी आइसकेको छैन् । स्वास्थ्य मन्त्रालय स्रोतका अनुसार सबै जानकारी आएपछि केहीबेरमा पूर्ण विवरण सार्वजनिक गर्ने तयारी भइरहेको छ ।
आज यसअघि कपिलवस्तु जिल्लामा ८ जना, रुपन्देहीमा ९, पर्सामा ३९ र बारा जिल्लामा १ जना गरि जम्मा ५७ जनामा कोरोना पुष्टि भएको थियो ।
