पोखरा : पोखरा नागढुंगा स्थित एक फर्निचर उद्योगमा शनिबार भीषण आगलागी भएको छ । आगलागीबाट फर्निचरका धेरैजसो सामग्री जलेर नष्ट भएका छन् ।
नेपाल प्रहरी, शसस्त्र प्रहरी लगायत स्थानीयको सहयोगमा दमकल र पानी ट्यांकरको सहायताबाट आगलागी नियन्त्रणमा लिने प्रयास भैरहेको छ ।
नागढुंगामा डेढ वर्षअघि दुर्गा प्रसाद भट्टराई र बिकास क्षेत्रीले संचालनमा ल्याएको विशेष फर्निचर उद्योगमा विहान ११:४५ बजे आगलागी भएको हो । आगलागीका कारण ७० देखि ८० लाखको फर्निचरका सामग्री र ३० लाख माथिको संरचना नष्ट भएको संचालक मध्येका एक दुर्गा प्रसाद भट्टराईले बताए ।
लकडाउनको समय भएकाले फर्निचरमा कामदार कोहि नभएकोले बिद्दुत सर्टका कारण आगलागी भएको हुन् सक्ने भट्टराईले जनाए ।
आगलागीबाट फर्निचरका सबैजसो सामग्री जलेको र जस्तापातामा आगो सल्किरहेकाले आगो अन्यन्त्र फैलिन नदिनको लागि नियन्त्रणको प्रयास भइरहेको वडा प्रहरी कार्यालय बैदामका प्रहरी प्रमुख डीएसपी यादव ढकालले जनाए ।