राहत वितरण नगरेको भन्दै मेयरलाई नै राहत दिए युवाहरुले (भिडियो सहित)

राहत वितरण नगरेको भन्दै मेयरलाई नै राहत दिए युवाहरुले (भिडियो सहित)

राजेन्द्र महतो, लहान

लकडाउन भएको महिना दिन वितिसक्दा सम्म पनि राहत नदिएपछि मेयरलाई नै राहत दिनका लागि राहत संकलनमा युवाहरु जुटेका छन् । सिरहाको सुखिपुरका मेयर राम अवतार यादवलाई राहत दिनका लागि संकलन गरिएको राहत आइतबार नगरमा बुझाइएको नितेश कुमार यादवले बताए ।

महिना दिन वित्दा पनि पिडितहरुलाई राहत नदिएपछि मेयरलाई नै राहत दिनुपर्ने अवस्था आएको यादवले बताए । बल्ल तल्ल बनेको राहत संकलन तथा वितरण समिति पनि आफुखुसी गठन गरेको युवाहरुले आरोप लगाएका छन् । समिति पारदर्शी नभएको र राहत वितरणमा मनलाग्दी गरेपछि मेयरलाई राहत दिन बाध्य हुनुपरेको सुखीपुर नगर सुधार समितिका अध्यक्ष बिपी भुवन यादवले बताए । स्थानीयहरुबाट राहत संकलन गरेर आजै मेयर यादवलाई राहत दिनलाई नगरमा पुग्दा मेयर यादव कार्यकक्षमा नै थिए । नगर प्रहरी र कर्मचारीले भित्र प्रवेश गर्न नदिएपछि गेटमा नै राहत छोडेर फर्किएको यादवले बताए ।

मेयर यादवलाई डोम समुदायले समेत सकेसम्मको राहत सामग्री उपलब्ध गराएका छन् । उनिहरुले आफुलाई खान राखेको दाल, चामल, आलु लगाएतका खाद्य सामग्री मेयरलाई पठाएका हुन् ।

सम्बन्धित खवर