पथरी शनिश्चरेमा कोरोना देखिएन, हाल सम्म ३६ जनाको परीक्षण (भिडियो सहित)

पथरी शनिश्चरेमा कोरोना देखिएन, हाल सम्म ३६ जनाको परीक्षण (भिडियो सहित)

पथरी, मोरङको पथरी शनिश्चरे रहेको नगर अस्पतालमा २६ जनाको कोरोना परीक्षण गरिएको छ । बुधबार गरिएको परीक्षणमा सबैजनाको रिपोर्ट नगेटिभ आएको नगर स्वास्थ्य संयोजक मुरारी आचार्यले जानकारी दिनुभयो ।

पथरी शनिश्चरेको २५ जना होम क्वारेनटाइनमा रहेका थिए । विभिन्न देशबाट कोरोना महामारी फैलिएपछि नगरमा आएका उनिहरुलाई घरघरमा गएर पटक पटक ज्वरो नाप्ने र आवश्यक सल्लाह सहित स्वास्थ्य चेकजाँच गरिरहेका संयोजक आचार्यले पनि आफ्नो कोरोना परीक्षण गराउनु भएको हो । ¥यापिट टेस्ट किट मार्फत गरिएको परीक्षणमा केही संकास्पद रहेका २ जनाको थ्रोट स्वाव संकलन गरिएको छ । पिसीआर पद्धतीबाट परीक्षण गरेर केही दिनमा नै उनिहरुको रिपोर्ट आउने छ । रिपोर्ट आएपछि उनिहरुको पनि पोजेटिभ वा नेगेटिभ भन्ने टुङ्गो लाग्ने आचार्यले जानकारी दिनुभयो ।

यस्तै नगरका अन्य १० जनालाई कोरोनाको आशंका गरेर प्रदेश स्तरीय मिक्लाजुङको टाँडी क्वारेनटाइनमा राखिएको थियो । उनिहरु सबैको रिपोर्ट नेगेटिभ आएको छ । १० जना मध्ये ९ जना यसअघि नै परीक्षण गर्दा नेगेटिभ आएपछि घर फर्किएका थिए । बाँकी रहेका १ जनाको पनि आज परीक्षण गर्दा नेगेटिभ आएपछि घर फर्किएको आचार्यले जानकारी दिनुभयो ।

यसरी हेर्दा हाल सम्म पथरी शनिश्चरेका जम्मा ३६ जनाको कोरोना परीक्षण भएको छ । ३६ जनाको परीक्षण गर्दा पनि कोरोना पोजेटिभ नआएपछि पथरी शनिश्चरेमा हाल कोरोना नभएको पाइएको हो । परीक्षण गरिएका हरुको नेगेटिभ आएता पनि लकडाउनको अवधिभर सबैजनालाई होम क्वारेनटाइनमा नै रहन नगरले अनुरोध गरेको छ ।

सम्बन्धित खवर

%d bloggers like this:
%d bloggers like this: