कोरोना भाइरस (कोभिड–१९) को कारण विश्वभरमा मृत्यु हुँनेको संख्या एक लाख १६ हजार नाघेको छ ।
कोभिड–१९ कोरोना भाइरसले विश्वभर १ लाख १६ हजार ४ जनाले ज्यान गुमाइसकेका छन्। यो समाचार तयार पार्दासम्म विश्वभर १८ लाख ७१ हजार ८ सय ९६ जना संक्रमित छन् । भने उपचार पछि ४ लाख ३४ हजार २ सय ९८ जना घर फर्केका छन।
सबैभन्दा बढी अमेरिकामा २२ हजार १ सय १५ जनाले ज्यान गुमाएका छन्। अमेरिकामा ५ लाख ६० हजार ४ सय ३३ जना संक्रमित छन् । इटलीमा १९ हजार ८ सय ९९ जनाले हालसम्म ज्यान गुमाएका छन्। त्यहाँ १ लाख ५६ हजार ६३ जना संक्रमित छन्।
त्यस्तै स्पेनमा पनि मृत्यु हुनेको सङ्ख्या १७ हजार ४ सय ८१ जना पुगेको छ । स्पेनपछि फ्रान्समा सबैभन्दा धेरैको ज्यान गएको छ । त्यहाँ १४ हजार ३ सय ९३ जनाको मृत्यु भएको छ ।
