भिमराज अधिकारी, पथरी
राहत वितरणमा व्यापक आलोचना भइरहँदा करोडौँको सम्पती हुनेले पनि चामलको बोरा बोेक्ने गरेको पाइएको छ । मोरङको पथरी शनिश्चरे नगरले वितरण गरिरहेको राहतमा यस्तो लापर्वाही पाइएको हो ।
नगरले प्रत्येक वडाबाट राहत पाउनेको नामावली संकलन गरेर वडा वडामा राहत सामग्री झारेको थियो । हरेक वडामा ३, ४ वटा केन्द्र बनाएर राहत वितरण गरियो । प्रत्येक केन्द्रमा राहतका लागि आउनेको संख्या सयजना भन्दा माथिको भिड थियो । यसरी झन भिड गरेर राहत बाड्दा लकडाउन उलङ्घनसंगै भाइरस सर्ने झन ोखिम बढेको स्वंम वडा अध्यक्षहरुले नै बताइ रहेका छन् । घरघरमा गाढी रिजर्व गरेर राहत पु¥याउनुपर्छ भन्दा नगरले नमानेको वडा नं. ५ का अध्यक्ष जोग बहादुर धिमालले बताउनुभयो । नगरले एकद्वार प्रणालीमा वितरण गरेको राहत लिनका लागि आउनेको खचाखच भिडले कतैपनि सामाजिक दुरी कार्यम गरेको पाइएन । यसले झन संक्रमणको दर बढ्ने छ । अध्यक्ष धिमाल भन्नुहुन्छ ‘यदि एकजालाई मात्रै कोरोना लागेको रहेछ भने राहत लिन आउने सबै सखाप हुन्छन् । हाम्रो कुरा नगरले मान्दैन के गर्नु ?’ आफुले ट्याकट्रर, राहत बाँढ्नका लागि युवाहरु पनि खटाइदिन्छु भन्दा पनि खै वास्तै नगरेर नाटक देखाए, वडा नं. ५ कै महेश थापाले भन्नुभयो ।
राहत लिनेको नमावलीमा करोड माथिको सम्पती भएका मान्छेहरु पनि परेको गुनासो आइरहेको छ । ‘वडाले सबै जनतालाई बराबर हेर्ने हो । तिमिले राहत लिनु हुदैन भन्दा पनि आफै गरिबी देखार, लाजै पचार राहत माग्दै आउछन् भने के गर्नु मैले ?’ धिमालले भन्नुभयो ।
राहत लिन मोटरसाइकल लिएर आउने, १ विगाहा खेतमा धान लगाएका, लाखौँ रुपैयाको कारोबार गर्नेहरु पनि राहतका लागि आएको स्थानीयको गुनासो छ । यसैगरी वडा नं. ६ मा घरमा २ वटा ट्याक्टर, २ विगाहा जग्गा भएका मानिसले पनि राहत पाएको तर मजदुरहरुले नपाएको भनेर फोनहरु आउनेक्रम पनि निरन्तर छ ।
वडा नं. ४ मा मजदुरले राहत नपाएको तर २ तले घरभएका पनि राहतका लागि आएको वडा सदस्यहरुले नै बताइरहेका छन् । वडा नं. ४ मा राहत दिनुपरो भनेर वडाभरी दिनभर कुदेका मजदुरलाई वडा अध्यक्षले प्रहरी चौकीमा १ रात थुनाएको भनेर पिडितहरुले बताइरहेका छन् । २ नं. वडामा पनि साच्चिकै गरिबी भएकाले अझै राहत पाउन नसकेको गुनासो आइरहेको छ ।
आफ्नै छिमेकीहरुसंगको सम्बन्ध विग्रने भएकाले सूचना दिनेहरुले पनि नाम खुलाउन चाहिरहेका छैनन् । यि त केही नमुनाहरु मात्रै हुन् । राहतको हरेक क्षेत्रमा समस्या देखिएको गुनासाहरु आउने क्रममा छ । यो पहिलो चरणको राहत प्याकेज भएकाले छुटेका राहत पाउनुपर्ने व्याक्तिहरुले दास्रो चरणमा राहत पाउने जनप्रतिनिधिहरुले बताउदै आएका छन् ।
