नरेस कुमार लाभ, बिराटनगर
बिराटनगर महानगरपालिका वडा नं. १६ ले विपन्न परिवारलाई मास्क वितरण गरेको छ । शुक्रबार वडा अध्यक्ष मनोज सुब्बाको अगुवाइमा मास्क वितरण गरिएको हो ।
वडाका गरिव तथा विपन्न १२ सय परिवारलाई वडाले मास्क वितरण गरेको वडा अध्यक्ष सुब्बाले बताउनुभयो । वडामा जनचेतनाका लागि पम्प्लेट टास्ने तथा निरन्तर अनुगमन गर्ने जस्ता कामहरु भइरहेको सुब्बाले बताउनुभयो । सरकारले जारी गरेको लकडाउनको सबैले पालना गरेर अनिवार्य घरमा बस्न पनि सुब्बाले आग्रह गर्नुभएको छ । विश्वमा महामारीका रुपमा मैलिएको कोरोनाले कुनै एक व्यत्तिमा संक्रमण भएमा गाउँ नै सखाप बनाउने भन्दै सुब्बाले बरु आवश्यक सहयोग वडाले गर्ने तर सबैले घरघरमा बस्न आग्रह गर्नुभएको छ ।
यसैबिच वडामा लाग्दै आएको हटिया (बजार) मा भिडभाड भएपछि प्रहरीले हटाएको थियो । हटियामा कागती, धनिया, सब्जी लगाएतका बस्तुहरु निकै महंगोमा बेचेको पाइएपछि उनिहरुलाई एकपटकलाई मुल्य बृद्धि नगर्न सुझाव समेत दिइएको थिाये । यस्तै ग्याँसमा पनि अनुगमन गरेर अपूर्तीलाई सहज बनाइएको छ ।
