डडेल्धुरामा अवैध लागुऔषध चरेससहित एकजना पक्राउ परेका छन्। पक्राउ पर्नेमा नवदुर्गा गाउँपालिका–१ सुनकोटका ३७ वर्षीय इन्द्रबहादुर भूल रहेका छन्।
विशेष सुराकीका आधारमा नवदुर्गा गाउँपालिका १ सुनकोटस्थित किराना पसल संचालक भूललाई आइतबार पसलबाटै पक्राउ गरिएको प्रहरी नायब उपरीक्षक दधिराम न्यौपानेले जानकारी दिए।
उनको पसलमा प्रहरी खानतलासी गर्दा ३७० ग्राम चरेस समेत बरामद गरिएको छ ।
पक्राउ परेका भूलमाथि लागुऔषध कसुरमा मुद्दा दर्ता गरी सोमबार जिल्ला आदालत, डडेल्धुराबाट १५ दिनको म्याद थप गरी अनुसन्धान प्रक्रिया अगाडि बढाइएको डीएसपी न्यौपानेले बताए।
