च्याम्पियन्स लिग फुटबलको अन्तिम १६ को पहिलो लेगको खेलमा लियोनले युभेन्ट्सलाई हराएको छ ।
घरेलु मैदानमा ईटालियन च्याम्पियन युभेन्ट्सलाई हराउँदै लियोनले पहिलो लेगको खेलमा १–० को अग्रता लिएको हो ।
खेलको ३१ औं मिनेटमा लुकास टुसर्टले घरेलु टोलीका लागि विजयी गोल गरेका थिए ।
फ्रेन्च क्लबबिरुद्ध निकै आत्मविश्वासी देखिएको युभेन्ट्सले पहिलो लेगमा गोल गर्न असफल रह्यो ।
पाहुना टोलीले अधिकांश समय बल पोजिसनमा पकड जमाएपनि गोल निकाल्न भने सकेन ।
गोलका लागि संघर्षरत युभेन्ट्सका लागि पाउलो ड्याबालाले खेलको अन्तिम समयमा गोल गरेका थिए ।
तर रेफ्रीले गोललाई अफसाईडको मान्यता दिएका थिए ।
दोस्रो लेगको खेल मार्च १७ मा युभेन्ट्सको घरेलु मैदान एलिनाज स्टेडियममा हुनेछ ।
