रबिन्द्र बराल, रंगेली
नवजात शिशुलाई जन्म दिएको केही घन्टा पछि आमाको मृत्यु भएर बिचल्लीमा परेका बालकलाई एकजना समाजसेवीले सहयोग गरेका छन् । दुई महिने दुघे बालको बिचल्ली भएको खवर प्रदेश दैनिक अनलाइनमा प्रकाशित भए पछि उक्त दुघे बालकलाई सहयोग गरेका हुन् ।
मोरङको रतुवामाई नगरपालिका घर भएका हाल बिराटनगर बसोवास गर्दे आएका समाजसेवी बलवाहादुर बस्नेतले दुई महिने बालक तथा उनका हजुर र परिवारलाई जिन्सी सहयोग गरेका छन् । उनले दुधे बालक लाई ५ डिब्बा ल्याक्टो दुघ, सानो झुल, ब्ल्याङ्केट , लुगा र बालकलाई दूध खुवाउनका लागि नगद २ हजार समेत दिएका छन् । पालन पोषण गर्ने हजुर आमा र बा लाई दुई थान साडी, ५० केजि चामल, १० केजी पिठो, २० केजि आलु, हर्लिस, ५ केजि नुन, १० केजि दाल, झुल, ५ लिटर खाने तेल, लगायतका सामाग्रीहरु बितरण गरेका हुन्। बस्नेतले भने ‘‘आफुले प्रदेश दैनिक अनलाइनमा समाचार प्रकाशन भएको देखेपछि बच्चाको दुःख बुझेर जिन्सी तथा आर्थिक सहयोग गर्ने ईच्छा भएको हो । आफुले असाह्य व्यक्तिलाई संधै सहयोग गरिरहने छु ।’’
सामग्री हस्तान्तरण कार्यक्रममा वडाध्यक्ष, बुद्धिजीवी, समाजसेवी लगायतको उपस्थिति समेत रहेको थियो । मोरङको सुनवर्षी नगरपालिका ६ स्थित गधाधर माध्यमिक बिधालय देखि उत्तरमा रहेको केरन्जा नजिकै मुसहर टोलमा बसोबास गर्दै आएका ७० बर्षकी निसि देवि ऋिषिदेवले भनिन यस्तो सहयोग गरेकोमा बलवहादुर बस्नेतलाई धन्यवाद छ । आफ्नो अवस्था दयनीय भएको हुँदा अरु सहयोगी मनहरुले पनि सहयोग गर्न निसिले अनुरोध गरेकी छन् ।
भान्जा कलशदेव ऋिषिदेव को १० घुर जग्गामा सानो घर बनाएर बसिरहेका निसिदेवीको पारिवारिक अवस्था एकदमै नाजुक रहेको छ । घरमा एक दाना चामल समेत छैन, काम गर्न जाउँभने शरिरमा शक्ति छैन, उनीहरु भान्जा कै घरमा बसेर खाई रहेका छन् । शिशुलाई हुर्काउन सहयोगी संस्थाहरुको आवश्यकता रहेको समाजसेवी बैजनाथ झाले बताए ।
