कोरोना भाइरसको संक्रमण आउने डर भएपछि रसुवागढी नाका आज (बुधबार)बाट १५ दिनसम्म बन्द हुने भएको छ ।
मंगलबार रसुवागढीमा नेपाल प्रहरी, चिनियाँ प्रहरी र अध्यागमन कार्यलयका अधिकारीको बैठकले नाका बन्द गर्ने निर्णय गरेको हो ।
बैठकमा कोरोना भाइरसको संक्रमण फैलिन नदिने विषयमा छलफल भएको थियो
बैठकले कोरोना भाइरसको संक्रमण रोक्न, केरुङ जाने सडकमा हिउँपरेको तथा ढुंगा खस्ने भएकाले दुर्घटना हुन सक्ने र ल्होसार पर्वको कारण नाका बन्द गर्नु पर्ने निर्णय गरेको छ ।
यसैबीच काठमाडौँ, पोखरा, चितवन, लुम्बिनीलगायत क्षेत्रमा हेल्थ डेस्क नै स्थापना गरेर निगरानी र सतर्कता अपनाइएको छ ।
