धार्मिकस्थल चतराधामका ‘सिद्धबाबा’ भनिने कृष्ण बहादुर गिरीलाई सुनसरी जिल्ला अदालतले कारबाही नै नगरि धरौटीमा छोडेको विरोधमा सुनसरीको चतरामा बुधबार स्थानीय विभिन्न सघ संस्था सम्बध महिला समहुले र्याली निकालेका छन् ।
दोषीलाई हदैसम्मको कारबाहीको मागसहित प्रदर्शन गरिएको थियो । र्यालीमा महिला सञ्जाल, युरेक नेपाल, पारालिगललगायतका संघसंस्था तथा स्थानीय महिलाहरुको सहभागीता रहेको थियो ।
र्यालीमा सहभागिले महिला हिंसा बन्द गर, बलात्कारीलाई कारबाही गर, सम्पुर्ण महिला अधिकारकर्मीहरु एक हौ, पीडितलाई न्याय दे, धर्मको आडमा अपराध गर्न पाईदैन, कृष्णदास चतरा छोड जस्ता माग सहितको प्लेकार्ड र ब्यानर बोक्दै नारा लगाएका थिए ।
