इलामको चुलाचुली गाउँपालिकामा “स्वास्थ्यका लागि खेलकुद राष्ट्रका लागि खेलकुद” नारा सहित चुलाचुली अध्यक्ष कप लिग फुटबल प्रतियोगिता तथा वडास्तरिय महिला नकआउट फुटबल प्रतियोगिता बिहीबारबाट सुरु हुने भएको छ
पुष ३ गते देखि १५ गते सम्म सञ्चालन हुने प्रतियोगिता पञ्चकन्या आधारभूत विद्यालयको खेलमैदानमा हुने जनाइएको छ ।
अन्तर चलाचुली स्तरिय खेलमा ६ वटै वडाले सहभागिता जनाउने छन् । फिफाको खेल नियमको आधारमा खेलाउने लिग फुटबल प्रतियागितामा पुरुष तर्फ प्रथम पुरस्कार ५० हजार, दोस्रो ३० हजार र महिला तर्फ प्रथम पुरस्कार २० हजार, दोस्रो पुरस्कार १० हजार साथै ट्रफ्री, मेडल र प्रमाणपत्र प्रदान गरिने आयोजकले जानकारी गराएका छन् ।
चुलाचुली गाउँपालिकाको सहयोगमा सञ्चालन हुने प्रतियोगिताको अवसरमा चुलाचुलीबाट खेलकुद क्षेत्रमा योगदान पु¥याउने ११ जना पूर्व खेलाडीहरुलाई सम्मान गरिने खेलकुद समितिका अध्यक्ष तथा कार्यक्रम संयोजक राईले बताए ।
चुलाचुली खेलकुद समितिले गतबर्ष भने चुलाचुली प्रथम गोल्डकप आयोजना गरेको थियो ।
