पथरी, मोरङको पथरी शनिश्चरे नगरपालिकाको पशुपंक्षी शाखाले नगरका कृषकहरुका लागि बाह्रै महिना हरियो घाँस उत्पादन तथा साइलेज हे सम्वन्धी तालिम सुरु गरेको छ ।
३ दिने तालिमको एक कार्यक्रमकाबीच नगर उपप्रमुख यमुना विष्ट वास्तोलाले उद्घाटन् गर्दै कृषि प्रधान नगरमा व्यवसायिक कृषितर्फ कृषक उन्मुख हुन आवश्यक रहेको चर्चा गर्नुभयो । उहाँले नगरले कृषि प्रवद्र्धनका आवश्यक योजना अघि बढाउँदै जाने वताउनु भयो ।
वडा नम्वर ७ स्थित किरातीचोकमा सञ्चालित तालिममा प्रत्येक वडाबाट ३÷३ जनाका दरले ३० जना कृषक सहभागि छन् । वडाध्यक्ष कपिलमणि ढकालको सभाध्यक्षतामा सम्पन्न तालिममा पशुपंक्षी शाखा संयोजक हेमचन्द्र दहाल तथा सोही शाखाका गणेश शिवाकोटी, पर्वत साह र गुणराज थापाले सहजिकरण गर्नुभएको छ । बुधबार देखि सुरु भएको तालिमको शुक्रबार समापन गरिने जनाइएको छ ।