पथरी, हेफर इन्टरनेशनलसँगको सहकार्यमा अभियान नेपालले आफुले सञ्चालन गरेको परियोजनाको अनुगमन् तथा समन्वय समितिको बैठक मोरङको पथरी शनिश्चरेमा आज सम्पन्न गरेको छ ।
सो कार्यक्रमको पथरी शनिश्चरे नगर अनुगमन् समितिका संयोजक नगर प्रमुख दिलिपकुमार राईले आफ्नो नगरमा समेत अभियान नेपालको कार्यक्रमलाई प्रभावकारी बनाएर लैजान नगरपालिका कार्यालयले सहकार्य गर्ने बताउनु भयो । नगरमा व्यवस्थित पशु वधशाला, पशु दाना तालिम, पशु शिविर सहितका नगरपालिकाका कार्यक्रममा समेत अभियान नेपालले पनि सहकार्य गर्न प्रस्ताव गरिएको छ ।
कार्यक्रममा, अभियान नेपालका अध्यक्ष प्रेम गिरी, हेफरका दिपेश पोखरेल, ऋषि पौडेल, अभियानका हेम श्रेष्ठले हेफरको सहकार्यमा अभियान नेपालले सञ्चालन गरेका कार्यक्रमका बारेमा जानकारी गराउनु भयो । उहाँहरुले पथरी शनिश्चरे २ मा चौतारी सामाजिक महिला उद्यमी सहकारीमार्फत महिलाहरुको सशक्तिकरण तथा जिविकोपार्जनमा सघाउन तरकारी खेती, लोकल कुखुरा पालनका साथै दुध र मासुको क्षेत्रमा काम गर्दै आएको प्रष्ट्याउनु भयो ।
झापा र मोरङका ५ वटा महिला सहकारीसँग यसखाले कार्यक्रम सञ्चालन गरिएको जनाउनु भयो ।
