पथरी, पछिल्लो समय मोरङको पथरीमा पनि यौन धन्दा चल्ने गरेको पाइएको छ । आइतबार राति पथरीशनिश्चरे–१ मा संचालनमा रहेको खोटाङ्गे चाम्लिङ होटल एण्ड लजमा छापा मार्दा व्यावसायिक रुपमा यौन धन्दा भइरहेको भेटिएको इलाका प्रहरी कार्यालय पथरीले जनाएको छ ।
छापा मार्दा यौनकर्मी राखेर नै यौन धन्दा चलाएको पाइएको हो । सो समयमा २ जोडी सहित होटल संचालक सुनिता र बिजय राईलाई पक्राउ गरेको प्रहरीले सार्वजनिक गरेको छ । पक्राउ पर्नेहरु मध्ये १ जना १४ वर्षकी बालिका पनि रहेको प्रहरीले जनाएको छ ।
संचालकलाई मानव वेचविखन तथा ओसार पसार अन्तर्गत मुद्दा चलाइएको प्रहरी नायव उपरीक्षक अधिकारीले जानकारी दिए । अधिकारीले भने–‘यौन व्यवसायमा संलग्न मध्ये १४ वर्षीय युवती समेत रहेको पाइएको छ । होटल संचालकद्वय राईले युवतीहरुलाई प्रलोभनमा पारी यौनजन्य कार्यमा संम्लग्न गराएकाले संन्चालकद्वयलाई मुद्दा चलाइएको हो ।’
पथरीका अन्य होटल तथा लजमा पनि यस किसिमको कार्य हुदै आएको सूचना आएको र यसका लागि प्रहरीले अप्रेशन चलाइने बताइएको छ । वेश्यागमनमा लगाउनेलाई १० देखि १५ वर्ष जेल र १ लाखसम्म जरिवाना हुनेछ भने वेश्यगमनमा संम्लग्नलाई समेत १ देखि ३ महिना सम्म जेल सजाय हुन सक्ने प्रावधान रहेको छ ।
