काठमाण्डौ, शनिबारदेखि हिजोअस्तिभन्दा धेरै भारी बर्षा हुने संभावना रहेको मौसमविदले बताएका छन् । मनसुन सक्रिय भएकाले देशभरिकै आकाशमा बादल लागि हिजोअस्तिको भन्दा धेरै पानी पर्ने सम्भावना रहेको मौसमविद् शान्ति कँडेलले बताउनुभयो ।
केही ठाउँमा ठूलो पानी पर्ने सम्भावना भए पनि लगातार पानी पर्ने सम्भावना भने नरहेको उहाँको भनाई छ । पानी धेरै पर्ने भएकाले सडक र हवाई यातायातमा पनि अवरोध आउन सक्ने उहाँले बताउनुभयो ।
यस्तै बाढी र पहिरोको जोखिम रहेको भन्दै उहाँले नदी आसपास र तटीय क्षेत्रका बासिन्दालाई सावधानी अपनाउन मौसमविद् कँडेलको अनुरोध छ । साथै दशैँमा घर जानेहरुले पनि पहिरो जान सक्ने राजमार्गका सम्भावित ठाउँहरुमा सावधानी अपनाउन मौसमविद्हरुले आग्रह गरेका छन् ।
पूर्व क्षेत्रमा भने विहानै देखि लगातार वर्षा भइरहेको छ । वर्षाका कारण दैनिक जनजीवन कष्टकर बनेको छ ।
