असोज ६, २०७६
अब्दुस मियाको संयोजकत्व र प्रिया सिग्देलको सहसंयोजकत्वमा साझा युवा संगठनको २२ सदस्यीय केन्द्रिय समिति घोषणा भएको छ ।
उक्त समिति साझा पार्टीका केन्द्रिय संयोजक रविन्द्र मिश्र र अन्य प्रमुख दलका युवा संगठनका केन्द्रिय नेतृत्वबीच सार्वजनिक गरिएको हो । राष्ट्रिय सभागृहमा आयोजित कार्यक्रममा नेपाल सरकारका राष्ट्रिय युवा परिषदका उपाध्यक्ष माधव ढुङ्गेलको पनि उपस्थिति रहेको थियो ।
उक्त घोषणा सभामा शुभकामना दिदैं साझा पार्टीका संयोजक रविन्द्र मिश्रले युवाहरुले मात्र राजनितिलाई बदल्न सक्ने बताए । उक्त कार्यक्रममा नेकपा निकट राष्ट्रिय युवा संघका अध्यक्ष राम प्रसाद सापकोटाले भने, ‘साझा युवा सङ्गठनले छिटोछिटो राजनितिलाइ बदलोस् होइन भने राजनितिले तपाईहरुलाई बदल्छ ।’
यसैगरी कार्यक्रममा तरुण दलका उपाध्यक्ष उत्तमबाबु चापागाईले लोकतान्त्रिक युवा सङ्गठनहरुको मुद्दामा आधारित एकताको खाँचो रहेको बताए। कार्यक्रममा समाजवादी युवा संघका महासचिव जितेन्द्र महरा, साझा पार्टीकी केन्द्रिय सदस्य समीक्षा बास्कोटा लगायतले धारणा राखेका थिए ।
रातोपार्टी
