पथरीमा हात्तीको आतंक, क्षतिको अवलोकन गर्दै नगरप्रमुख

पथरीमा हात्तीको आतंक, क्षतिको अवलोकन गर्दै नगरप्रमुख

पथरी, जंगली हात्तीबाट बारम्बार पिडीत वन्दै आएको मोरङको पथरी शनिश्चरे नगरपालिका वडा नम्वर १० को जिरिखिम्ती टोलमा पछिल्लो पटक जंगली हात्तीले आधादर्जन बढी घरमा क्षति पुर्याएको र सो क्षतिका बारेमा नगरका जनप्रतिनिधिहरुले अवलोकन गरेका छन् ।

नगर प्रमुख दिलिपकुमार राई, उपप्रमुख यमुना विष्ट वास्तोला, कार्यपालिका सदस्य मैनादेवी फूयाँल आचार्य सहितका जनप्रतिनिधिहरुले गएराती जंगली हात्तीले क्षति पुर्याएका घरहरुको अवलोकन गर्नुभयो ।

दक्षिणतिरको वस्तीमा आएको एउटा जंगली हात्तीले खडानन्द खतिवडाको घरको एकातर्फको गारो नै भत्काएको छ । त्यसैगरी, यामबहादुर मगरको पक्का घरको गारो, पुष्प दर्जीको जस्तापाताको भित्तो र शौचालय भत्काएको छ । इन्द्रबहादुरकार्कीको काठे बेरा भत्काएर मकै समेत खाएको छ ।

४ वटाको समूहमा आएको हात्तीले उत्तरतिरको वस्तीका धनिमाया राईको घरको बेरा भत्काएको छ । गोपाल घिमिरे र नरबहादुर कटुवालको समेत पक्का घरको गारोमा केही क्षति पुर्याएको वडा सदस्य अनोज घिमिरेले जनाउनु भयो ।

हात्तीले त्रास फैलाएर घरहरुमा क्षति पुर्याउन थालेपछि स्थानीयले प्रहरीलाई खवर गरेका थिए । हात्ती नजिकैको जंगलतर्फ लागेको छ । जंगल नजिकैको सो वडाको जिरिखिम्ती, ऐयावारी सहितका क्षेत्रमा हात्तीले आतंक सिर्जना गर्र्दै आएको छ ।

सम्बन्धित खवर