बुधबार १९, भदौ २०७६
मोरङको लेटाङ नगर जेसिजले वर्ष २०१९ को सप्ताह कार्यक्रम अन्तर्गत बुधबार गजल बाचन कार्यक्रम सम्पन्न गरेको छ ।
साहित्यकार शिव प्रणतको प्रमुख आतिथ्यतामा सम्पन्न उक्त गजल बाचनमा अन्जान यात्री, युवराज ठकुरी अज्ञानी, युवराज काफ्ले ई वान, सुनिता तामाङले गजल वाचन गरेका थिए । विशेष गजल बाचन अन्तर्गत गजलकार लोकेन्द्र बन्जराले आफ्ना उत्कृष्ट गजलहरु वाचन गरेका थिए ।
कार्यक्रममा साता भरी गरिएका विभिन्न कार्यक्रमका पुरस्कृतहरुलाई पुरस्कार वितरण साथै सम्मान समेत गरिएको आयोजक लेटाङ जेसिजका कार्यकारिणी उपाध्यक्ष आशिष ढकालले बताए । साता व्यापी कार्यक्रमको बुधबार नै समापन समेत गरिएको थियो ।
