१८ भाद्र २०७६,
सिंगापुरमा मिर्गौलाको उपचार गराइरहेका प्रधानमन्त्री केपी शर्मा ओलीको उपचार प्रक्रिया आज पूरा हुँदैछ ।शरीरमा एण्टीबडीको मात्रा बढेपछि प्रधानमन्त्री ओली गत भदौ ५ गते उपचारका लागि सिंगापुर गएका थिए । उनको आज सातौं पटक प्लाज्मा फेरेसीस गरिँदैछ ।
यसपछि भोलि चिकित्सकहरुले रिपोर्ट हेरेपछि उनीहरुकै सल्लाहनुसार प्रधानमन्त्री ओलीको स्वदेश फर्कने मिति तय गरिनेछ ।ओली चाँडोमा शुक्रबार नैं काठमाडौं फर्कने संभावना रहेको उनी निकट स्रोतले बताएको छ ।
