भदौ ९, २०७६
सुनसरीको भोक्राहा नरसिंह गाँउपालिका–५ मा आइतबार साँझ एक जनाको छुरा प्रहार गरी हत्या भएको छ । स्थानीय मुर्ताज मियाँले धरिलो हतियार प्रहार गरेर वहाव मियाँको हत्या गरेको जिल्ला प्रहरी कार्यालय सुनसरीका प्रहरी निरीक्षक अर्जुन पोखरेलले जानकारी दिएका छन् ।
घरायसी झगडाका कारण मुर्ताज मियाँले छुरा प्रहार गर्दा वहाव गम्भीर घाइते भएका थिए। गम्भीर घाइते भएका वहावको उपचारका क्रममा मृत्यु भएको प्रहरी निरीक्षक पोखरेलले बताएका छन् ।
छुरा प्रहार गर्ने मुर्ताजलेसमेत बीस सेवन गरेकाले उनी पनि गम्भीर घाइते भएको र अहिले उनको विराटनगरमा उपचार भइरहेको जिल्ला प्रहरी कार्यालय सुनसरीले जनाएको छ । छुरा प्रहार गरी हत्या गर्ने मुर्ताज प्रहरीको नियन्त्रणमा रहेको र घटनाको विषयमा अनुसन्धान भइरहेको छ ।
![छुरा प्रहार गरी सुनसरीमा एकको हत्या](https://i0.wp.com/pradeshdainik.com/wp-content/uploads/2019/08/hatya_t2bkgkqcmn_CFhfAUoGEz.jpg?fit=800%2C533&ssl=1)