सशस्त्र प्रहरी बल धनुषाले १५ किलो चाँदीसहित एक भारतीय नागरिकलाई पक्राउ गरेको छ।
पक्राउ पर्नेमा भारतको मधुवन्नीको जयनगर पञ्चायत २ भेलवाचोकका २८ वर्षीय बन्धुकुमार सिंह रहेको सशस्त्र प्रहरी बल धनुषाका प्रहरी उपरीक्षक राजेश उप्रेतीले जानकारी दिए ।
पक्राउ परेका सिंहको साथबाट १५ किलो चाँदी, मोटरसाइकल र नगद पनि बरामद भएको छ।
धनुषाको औरही गाउँपालिका–२ देउरीबाट चेकजाँच गर्ने क्रममा सिंहलाई पक्राउ गरिएको हो। मोटरसाइकलको टयाङ्कीमा लुकाएर लाने क्रममा प्रहरीले पक्राउ गरेको हो ।
बरामद गरिएको चाँदी र मोटरसाइकलको बजार मूल्य ११ लाख ६८ हजार १ सय २० रहेको प्रहरीले जनाएको छ।
