खोटाङ– जिल्ला कारागार शाखा खोटाङको शौचालयमा एक कैदी झुण्डिएको अवस्थामा फेला परेका छन् । कर्तव्य ज्यान मुद्धामा कैदी जीवन बिताइरहेका केपीलासगढी गाउँपालिका–१ फेदीका ३१ वर्षीय सुदीप राई कारागारको शौचालयमा झुण्डिएको अवस्थामा मृत फेला परेका हुन् ।
आइतबार साँझ समूहमा नदेखिएपछि खोजी गर्दा कारागारको प्रयोगमा नआएको शौचालयमा झुण्डिएको अवस्थामा फेला परेको कारागार प्रमुखले जानकारी दिएका छन् । श्रीमतीको हत्या अभियोगमा दोषी ठहर भएका राई २० वर्षका लागि कारागार चलान भएका थिए ।
