सिरहा, लहान भएको सवारी दुर्घटनामा ३ जनाको मृत्यु भएको छ । लहान नगरपालिका ११ पडरिया चौकमा सोमबार म्याजिक भ्यानलाई ट्रकले पछाडीबाट ठक्कर दिदाँ दुई महिलासहित ३ जनाको मृत्यु भएको छ । एकजनाको अवस्था निकै गम्भीर रहेको छ । म्याजिकमा सवार करिब एक दर्जन यात्रीहरु घाईते भएका छन् ।
पुर्वबाट पश्चिम जाँदै गरेको ना १ ज ७४५४ नम्बरको म्याजिक भ्यान पडरिया चौकमा रोकेर यात्रु चढाउँदै गरेका बेला सोही दिशाबाट जाँदै गरेको ना ८ ख २४१५ नम्बरको ट्रकले ठक्कर दिएको थियो । दिउँसो १ बजेतिर भएको सो दर्घटनामा भ्यानमा सवार सिरहाको पुरानो चोहर्वा निवासी ४० बर्षीय गणपति महरा, सिरहाकै बरियारपट्टी गाउँपालिकाका ७० बर्षीया बचियादेवी राम र तत्काल पहिचान नखुलेको एक महिलाको घटनास्थलमै मृत्यु भएको जिल्ला ट्राफिक प्रहरी कार्यालय लहानका प्रहरी नायब निरीक्षक मनोज चौधरीले जानकारी दिए ।
घाईतेहरुको उपचार लहानस्थित रामप्रसाद उमाप्रसाद मुरारका स्मारक अस्पताल तथा नरसिंह होमहरुमा भईरहेको ईप्रका लहानले जनाएको छ ।
