प्रतिकात्मक तस्वीर
काठमाडौँ, पछिल्लो समयमा काठमाडौँ उपत्यकामा सुइ आतंक मच्चाउने एक व्यक्तिलाई प्रहरीले पक्राउ गरेको छ । महानगरीय प्रहरी परिसर काठमाडौंले बिहीबार राति १० बजे महाराजगन्जबाट ति व्यक्तिलाई पक्राउ गरेको जनाएको छ।
रामेछाम घर भइ हाल महाराजगन्जमा बस्दै आएका सन्तोष कार्कीलाई प्रहरीले पक्राउ गरेको जनाएको छ । कार्की महाराजगंजमा रेस्टुरेन्ट चलाउँदै आएका छन् । प्रारम्भिक वयानमा कार्कीले आफ्नो अपराध स्वीकार गरेको प्रहरी स्रोतले दाबी गरेको छ। उनले रमाइलोका लागि त्यसरी महिलाहरुलाई जथाभावी सुइ घोच्दै हिडेको बयान दिएका छन्।
कार्की यसअघि ५ वर्ष सम्म दुवइ वसेर फर्किएका हुन् । प्रहरीले शुक्रबार दिउँसो पत्रकार सम्मेलन गरी उनलाई सार्वजनिक गर्ने स्रोतले जानकारी दिएको छ।
कान्तिपुरको सहयोगमा