सामुदायिक वन मैत्रि कार्यक्रम सब डिभिजन मंगलबारेमा सम्पन्न

सामुदायिक वन मैत्रि कार्यक्रम सब डिभिजन मंगलबारेमा सम्पन्न

उर्लाबारी, पथरीशनिश्चरे साझेदारी वन व्यवस्थापन समुहको आयोजनामा सामुदायिक वन मैत्रि कार्यक्रम सब डिभिजन वन कार्यालय मगंलबारेमा सम्पन्न भएको छ । सामुदायिक र साझेदारी वनका विच समन्वयता वढाउने उदेश्यले सञ्चालित कार्यक्रमा बोल्दै सब डिभिजन वन कार्यालय मगंलबारेका सहायक वन अधिकृत तारणी प्रसाद चौधरीले वन संरक्षण, व्यवस्थापन र सदुपयोगमा सहकार्यको बिकल्प नभएको बताउनुभयो ।

त्यस्तै सब डिभिजन वन कार्यालय जाँतेका सहायक वन अधिकृत दिपेश कुमार मिश्रले सामुदायिक र साझेदारी वनमा भएका नितिगत व्यवस्था साथै वैज्ञानिक व्यवस्थापनको माध्यमबाट वनलाई दिगो रुपमा प्रतिस्थापना गर्नुपर्ने कुरामा जोड दिनुभयो । कार्यक्रमका अध्यक्ष पथरीशनिश्चरे साझेदारी वनका संयोजक प्रकाश पौडेलले साझेदारी वन र सामुदायिक वन दुवै समुदायमा आधारीत वन व्यवस्थापनको मोडल भएकाले साझेदारी वन र सामुदायिक वन विचका विभिन्न तह तप्कामा भएका मदभेद लाई फिल्ड लेभलबाटै निरोपण गर्दै सहकार्यको माध्यमबाट साझा समस्यालाई हल गर्नुपर्ने बताउनुभयो ।

मगंलबारे सब डिभिजन अन्र्तगतका आठ ओटा सामुदायिक वनका पदाधिकारीहरुको उपस्थितिमा सम्पन्न कार्यक्रमको सञ्चालन सुवेदार टंक वि.कले गर्नुभएको थियो ।

सम्बन्धित खवर

%d bloggers like this:
%d bloggers like this: