पथरी, पथरीशनिश्चरे नगरपालिकाले नगरका अगुवा कृषि व्यवसायिक फर्महरुलाई घाँस, पराल काट्ने १० वटा विद्युतीय च्याफ कटर मेसिन वितरण गरेको छ ।
नगरको आर्थिक विकास शाखा अन्तर्गत पशुपंक्षी शाखाले ७५ प्रतिशत अनुदानमा बुधबार कटर मेसिन वितरण गरेको हो ।
नगर प्रमुख दिलिपकुमार राई र प्रमुख प्रशासकीय अधिकृत अम्बिकाप्रसाद धमलाले कटर वितरण गरेको पशुपंक्षी शाखाका पशु सेवा प्राविधिक पर्वत शाहले जनाए । कटरका लागि नगरपालिकाको आर्थिक वर्ष ०७५÷०७६ का लागि २ लाख ५० हजार रुपैयाँ विनियोजन गरेको थियो ।
