मोरङ, भारतीय पक्षले पूर्व सूचनाबिना कोसी नदीको धारलाई फर्काएपछि नेपालका ९० भन्दा बढी घर डुवानमा परेका छन् ।
सप्तरीको हनुमाननगर–कंकालिनी नगरपालिका–१३ को गोबरगाढाको बस्ति डुबानमा परेको हो ।
गोबरगाढाको पूर्वी भागबाट कोसी नदी बग्दै आएकामा पश्चिमतर्फ फर्काउन भारतले पाइलट च्यानलमा शुक्रबार पानी छाडेको छ ।
पश्चिबाट अचानक भंगालो बगन थालेपछि गोबरगाढाका ९० घरपरिवार नदीले घेरिएका खबर आजको कान्तिपुर दैनिकमा सप्तरीबाट अवधेशकुमार झाले लेखेका छन् ।
भारतीय पक्षले एकतर्फी रुपमा तीन वर्षदेखि खन्दै आएको पाइलट च्यानलमा पानी छाडेको हो ।
नगरप्रमुख शैलेशकुमार साहले शुक्रबार साँझबाट गोबरगाढा जान र आउन नसकिएको बताए।‘पानी छाड्ने भए पनि पूर्वसूचना जरुरी थियो,’ उनले भने, ‘बिनाजानकारी पानी छाडियो ।’गोबरगाढामा तीन सय हाराहारीमा बसोबार रहेको वडाध्यक्ष विन्देश्वरी यादबले बताए ।
नगरप्रमुख साहले ७०–८० किलोमिटर प्रतिघन्टाका दरले च्यानलमा पानी बगिरहेको बताए ।‘यस्तोमा कसरी बस्ती पुग्न सक्छन् स्थानीय रु’उनले भने, ‘एकतर्फी रुपमा च्यानल बनाउनु र मललाग्दी पानी छाड्नु भारतीय पक्षको हेपाहा प्रवृत्ति हो ।’
