पथरी, नेपाली काँग्रेसका नेता कृष्ण प्रसाद सिटौलाले काँग्रेसलाई सिध्याउन खोज्नेहरु सकिएर जाने बताएका छन् । कांग्रेसको राष्ट्रिय जागरण अभियानका क्रममा मंगलबार मोरङको पथरी आएका उनले यस्तो बताएका हुन् ।
काँग्रेसलाई सिध्याउनका लागि पञ्च लागे, माओबादीले बन्दुकले सिध्याउन खोजे, ज्ञानेन्द्र पनि सक्न खोजे तर पनि कांग्रेस सकिने हैन उल्टै तिनिहरु सकिएको सिटौलाले बताए ।
पूर्व मन्त्री समेत रहेका सिटौंलाले अब नेपाली जनताले कांग्रेसको नेतृत्वमा सरकार पर्खिरहेको बताए । स्थानीय कार्यकर्ताहरुले काँग्रेस भित्र चरम गुटबन्दी, नेतृत्वको आलोचना सहितको प्रश्न उठाएपछि उनले काँग्रेस भित्र सुधारको थालनी केन्द्रबाट गर्नुपर्ने पनि बताएका छन् ।
