भीमराज अधिकारी, पथरी
तेस्रो अमरदह ढल्के जोवन गोल्डकपको सोमबारको खेलमा एपीएफ पकली अघिल्लो चरण प्रवेश गरेको छ । तेह्रथुम भेट्रानलाई ६–२ गोलको फराकिलो अन्तरले पराजित गर्दै एपीएफ सेमिफाइनलमा प्रवेश गरेको हो ।
निर्धारित समयमा एपीएफका तर्फबाट खेलको १० औँ मिनेटमा नै जर्सी नं. १० का विनोद लोपचनले गोल गर्दै टिलाई अग्रता दिलाएका थिए । फेरी १६ औँ मिनेटमा जर्सी नं. ७ का खेलाडी टिकाराम वि.काले गोल गरे । २६ औँ मिनेटमा १५ नं. जर्सीका दिपक पौडेलले गोल गरे । पूनः ४० र ४३ औँ मिनेटमा टिकाराम वि.कले गोल गरेर टिमलाई ५ अंक बनाएका थिए । पूनः दोस्रो हाफमा उक्तम कार्कीले गोल गरेर टिमलाई ६ अंक दिलाएपछि एपीएफ फराकीलो अन्तरले अगाडी बढेको थियो ।
दोस्रो हाफमा केही समहालिएको तेह्रथुमका जर्सी नं. ३ का खेलाडी वशन्त लिम्बूले ३० र ३५ औँ मिनेटमा गोल गरेर टिमलाई २ अंक दिलाउदै सान्तवना दिलाए । क्वाटर फाइनलका खेलमा सोमबार सम्ममा २ वटा खेल सकिएका छन् । मंगलबारको क्वाटरफाइनल खेल पूर्वाञ्चल भेट्रान दमक र सगरमाथा भेट्रान विराटचौक बिच हुने आयोजकले जनाएको छ ।
