पथरी, अमरदहमा जारी प्रदेश स्तरीय तेस्रो अमरदह ढल्के जोवन गोल्डकपमा सोमबारको खेलमा पूर्वाञ्चल भेट्रान दमक बिजयी भएको छ । बिराट स्पोटर्स एकेडेमी बिराटनगरलाई ५–० को फराकिलो गोल अन्तरले पराजित गर्दै दमकले आफ्नो बिजयी यात्रा अगाडी बढाएको हो ।
मंगलबारको खेलमा पूर्वाञ्चल भेट्रानका जर्सी नं. ४ का खेलाडी प्रमेश कटुवाल म्यान अफ द म्याच घोषित भए । उनले अफ्नो टिमका लागि २ गोल गरेका थिए । कटुवालले नगद २ हजार र मेडल प्राप्त गरे ।
बैशाख २१ देखि सुरु भएको खलमा पहिलो चरणका खेलहरु भइरहेका छन् । मंगलबार सम्म ३ वटा खेल सकिएका छन् । हाल सम्म संखुवासभा भेट्रान, उर्लाबारी भेट्रान र पूर्वाञ्चल भेट्रानले क्वाटरफाइनलको यात्रा तय गरेका छन् । बुधबारको खेल इटहरी भेट्रान सुनसरी र पथरी भेट्रान मोरङ बिच हुने आयोजकले जनाएको छ । प्रदेश १ को यो सबैभन्दा ठुलो धन रासीको भेट्रान गोल्डकप हो । यसको बिजेताले २ लाख ११ हजार, उप बिजेताले १ लाख ५१ हजार, ट्रफि, मेडल र प्रमाण पत्र पाउने छन् ।
