आर्मीलाई हराउँदै दुहवी गोल्डकपको उपाधि दाउफिन्सलाई, मोफसलमा पाँचौ उपाधि

आर्मीलाई हराउँदै दुहवी गोल्डकपको उपाधि दाउफिन्सलाई, मोफसलमा पाँचौ उपाधि

विभागीय त्रिभुवन आर्मी क्लबलाई पराजित गर्दै दाउफिन्स तेस्रो संस्करणको मनमोहन मेमोरियल दुहवी गोल्डकपको च्याम्पियन बनेको छ ।

सुनसरीस्थित दुहवी रंगशालामा शनिबार भएको फाइनलमा दाउफिन्सले आर्मीलाई सडनडेथमा ८–७ ले पराजित गर्दै च्याम्पियन बनेको हो । मोफसलमा दाउफिन्सको यो पाँचौ उपाधि हो । यसअघि दाउफिन्सले मनकामना केवलकार पोखरा कप, बुढा सुब्बा गोल्डकप, तिलोत्तमा गोल्डकप र माइभ्याली गोल्डकपको उपाधि जितेको थियो ।

निर्धा्रित समयको खेल बराबरीमा सकिएपछि खेल पेनाल्टी सुटआउटमा पुगेको थियो । त्यसमा पनि नतिजा निस्कन नसकेपछि खेल सडन डेथमा धकेलिएको थियो । सडनडेथमा आर्मीका विकास खवासले गोल गर्न सकेनन् ।

उपाधिसँगै दाउफिन्सले ६ लाख रुपैया प्राप्त गर्दा दोस्रो भएको आर्मीले ३ लाख रुपैयामा चित्त बुझायो । आर्मीका सन्तोष तामाङ प्रतियोगिताको सर्वाेत्कृष्ट खेलाडी चुनिए । उनले २५ हजार रुपैयाँका साथै ३२ इन्चको एलइडी टीभी पाए । सर्वा्धिक गोलकर्ता बनेका आर्मीका टेक बहादुर बुढाथोकीले २० हजार रुपैयाँ पाए ।

व्यक्तिगत विधातर्फ गोलरक्षकमा दाउफिन्सका प्रिसो, डिफेन्समा आर्मीका विकास खवास, मिडफिल्डमा दाउफिन्सका ओंगुइन जुनियर, फरवार्डमा आर्मीका कप्तान भरत खवास, प्रशिक्षकमा दाउफिन्सका वाम्वा र उदियमा खेलाडीमा आयोजक इलेभेन एरोजका शंकर चौधरी चुनिए । सबैले जनही १५–१५ हजार रुपैयाँ पाए ।

सम्बन्धित खवर

%d bloggers like this:
%d bloggers like this: